Gudoomiyaha Xisbiga Mucaaridka ee KULMIYE Md. Axmed Maxamed MSiilaanyo ayaa muujiyey sida uu uga xunyahay dagaallada iyo duqeynta ka soo cusboonaaday magaallada muqdisho ee u dhaxaysa ciidamada dawllada ku meelgaadhka iyo ciidamada Ethiopianka ee  is garabsanaya, iyo maleeshiyaadka  iska caabinta ee  ka soo horjeeda,isla markaana  ay soo xasuusinayso dawladii Maxamed Siyaad Barre dadka reer Somaliland xasuuqaysay kuna garaacaysay, madaafiicda iyo  banbooyinka.

uriga Wasiirka Warfaafinta Somaliland Md. Axmed Xaaji Daahir Cilmi, ayaa habeen hore saqdii dhexe lala beegsaday Bambo Gacmeed. Sidaas waxa Geeska Afrika u xaqiijiyay Wasiirka oo xalay u waramay Wargeyska. Wasiirku, waxa uu sheegay in Bam gacmeedkaas oo aanay ciddi waxba ku noqon guriga lagu soo tuuray Abaaro 2:00 habeenimo ee saqdii dhexe ee habeen hore, “Nasiib Wanaag Gidaarka ayuu ku dhacay oo cidi waxba kumay noqon.” Ayuu yidhi Wasiir Axmed Xaaji Daahir.

Guddoomiyaha Golaha Guurtida Somaliland Md. Saleebaan Maxamuud Aadan (Saleebaan-Gaal), ayaa dhawaan sheegay in Golaha Guurtidu joojiyey waan-waantii uu doonayey inuu ku xallilo khilaafka ka dhashay Komishanka ee u dhexeeya xukuumadda iyo Golaha Wakiillada, kadib markii Madaxweyne Riyaale diidey. Waxa uu guddoomiye Saleebaan uu intaas ku daray oo sheegay in Shirguddoonka Wakiilladu ogolaaday, kalsoonina ku siiyey dhexdhexaadinta, balse Madaxweyne Riyaale uu diidey dhexdhexaadintooda, isaga oo noo sheegay ayuu yidhi "in xallinta arrintan uu u arko inay sharciga marto".