Nin ayaa magaaladii uu joogay ka waayay gabadh u qalanta oo uu guursado. Magaaladii ayuu isaga tagay waxaanu tagay magaalo kale, markii uu gaadhay magaaladii kale ayuu ku degey xaafad ay wax isku yihiin. Inyar ka dib waxa uu soo dhex mar-maray magaaladii cusbayd ee uu yimid. Isla markiiba waxa uu arkay gabadh guri hortii fadhida oo uu aad uga helay, isaga oo hhos isula hadalaya ayuu yidhi “Tan ayaa ii qalanta oo aan guursan doona” waxana uu ku soo leexday gabadhii oo uu la hadlay. Hadal iyo sheeko badan ka dib waxa uu waydiiyay su’aalo kale duwan oo ay ka mid tahay “Miyaad lagu qabaa”, waxayna u sheegtay in aan la qabin ayna tahay calaf doon, isla markiiba waxa uu ku yidhi ka waran haddii aynu heshiino oo aan ku guursado meherkeenuna imika dhaco.

Nin aad u jaad cun badan oo Yurub jooga ayaa waxa uu gurigisa u soo hoyan jiray wakhti denbe. Markuu in badan sidaa ahaa, ayuu habeen habeenada ka mid ah gabadhiisa is qabsadeen waxana dhex martay dood iyo muran badan, ugu dambayntiina gabadhiisi waxay ku heshiiyeen oo ay ku tidhi: "Wixii imika ka denbeeya haddii aad hore u soo hoyan waydo guriga ha igu soo garaacin" Ninkiina gabadhiisi wuu ka yeelay arrintaa ay soo jeedisay maadama wakhtigan dambe ee uu guriga soo garaacayaa uu yahay wakhti aan ku haboonay

Nin reer miyi ah oo geel badan lahaa ayaa maalin maalmaha ka mid ah isaga oo la  jooga geeli ayuu arkay muraayad (Iskaatusto) taala wado agtiisa ah. Markii uu arkay ayuu soo qaaday ka dibna wuu eeg eegay ilaa uu arkay wajigiisi oo aanu weligii arag, wajigiisaas oo u ekaa aabihii oo wakhti hore dhintay. Ka dib markii uu wajigiisa ka dhex arkay  muraayadii (Iskaatustadii) aad ayuu ula yaabay, waxaanu isla markiiba niyadiisa ku soo dhacday oo uu is yidhi “ Waar kanow aabaha soo daahirye malaa waxa uu doonayaa in aad xoolo u qalsho!”.

Waxaa Diyaarad wada raacay nin Falastiini ah iyo nin Yahuudi ah. Nasiib wanaag waxaa lagu qoray laba kursi oo isku xiga, hase ahaatee waxaa markiiba dhankii daaqada yar xigtey ku orday kii Yahuudiga ahaa, falastiinigiina wuu u deystey markii uu arkay inuu danaynayo inuu daaqadaasi ka daawado bilicda dhulka hoose ee buuro iyo daruuro leh ee diyaaradu dul-haadayso. Sidii ayaanu Yuhuudigii u xigsaday dhankii Daaqada. Markii ay diyaaradu muddo hawada ku sii jirtey ayaa Yuhuudigii ninkii Falastiiniga ahaa ka codsaday in uu siiyo jidka yar ee u dhexeeya labada saf ee kuraasta diyaarada; si uu u soo qaato cabitaan Juice ah. Falastiiniga lugihiisa ayaa u fidsanaa.

Waayadii ay Sucuudiga shaqooyinku ka furnaayeen, ayaa waxaa gaadhi xaajiyad ah wada raacay labo nin oo shaqo tag ah, mid wuxuu ahaa reer waqooyi, kan kalena reer koonfureed. Waxay gaadhigii saarnaadaanba markay meel dhexe marayaan ayuu gaadhigii kula dhacay meel god(xurfad) ah, ka dibna waxaa naxay kii reer waqooyiga ahaa, wuxuuna yidhi, “Yaa Rasuulullaahi!!” Sheekh Carab ah oo agtiisa fadhiyey ayaa intuu bahal dhirbaaxo ah ku jiiday ku yidhi, “Ilaahaaga ma taqaanid miyaa?!!. Kadibna ninkii reer waqooyiga ahaa ayaa iska aamusay isaga oo cadhaysan. Gaadhigii ayaa iska sii socday… Mar labaad ayuu hadana meel kale oo god ah ku dhacay. Dabadeedna ninkii reer koonfureedka ahaa ayaa yidhi,“ Shiikh Cabdulqaadiroow!!”. Markaas ninkii reer waqooyiga ahaa oo cadhaysanaa ayaa intuu dhirbaaxsho indhaha muudsaday kuna yidhi, “Waar kii weynaa baa meel loo la' yahay, markaas ayaad shiikh la soo ordaysaa.!!!

Waxa jiri jirey nin ku caan baxay bakheylnimo oo lagu tilmaamo inay labada gacmoodba go'an yihiin. Dadka qaarkoodna ay yidhaahdaan wuxuu ka xanaaqa "HOO" ama wax siinta dadka uu wax dhaamo. Ninkani bakheylnimadiisa waxa xitaa og dadka masaakiinta ah oo aan weligood waxba weydiisan, Ninkani waa nin xoolo leh oo lagu tilmaamo Taajir Cabaas, waase bakhayl aad u jecel hantida badan.