Shir balaadhan oo ay maanta ka soo qayb galeen Wasiirka diinta iyo awqaafta, Cadaalada iyo garsoorka, imaamyada Masaajidada Hargaysa ayaa lagaga waramay salaada iyo faa’iidadeeda, waxaana laga dooday cabashooyin ay dadweynuhu ka soo jeediyeen wakhtiyada laga eedaamo Masaajidada iyo wakhtiyada la tukado oo la sheegay inay jahawareer ku sameeyaan dadka cibaadaysanaya.

Wasiirka Wasaarada diinta iyo awqaafta S/land Sh.Maxamed Suufi ayaa sheegay inay xalinta mushkiladaa cabashada keentay u saareen gudi madaxbanaan oo ka soot ala bixisa sidii loo mideyn lahaa wakhtiyada laga eedaamo Masaajidada waxaanu shirkaasi kaga dhawaaqay afar qodob oo muhiim ah oo uu sheegay in la dhaqan galin doono isla imika wacyigalina laga siin doono masuuliyiinta masaajidada, qodobadaasina waxay kala ahaayeen sidan:-

Laba eedaan ee subixii in loo dhaxaysiiyo sodon daqiiqo, isla markaana eedaanka ugu danbeeya oo kaliya lagu daro “Asalaatu khayru minan muminiin”
Salaada Jimcyada la xoojiyo oo Masaajidada isku dhawdhaw ee Jamacoodu yar yahay laysku raro.
In labada eedaan ee Salaada Jimcaha ka danbe lagu beego wakhtiga salaada duhur la eedaamo.
iyo in la joojiyo casharada subixii masaajidada laga akhriyo in la isticmaalo oo la shido sameecadaha dibada u baxa in sameecadaha dibada la joojiyo oo la isticmaalo oo kaliya sameecadaha ku yaala gudaha marka laga baxo salaada subax.

Wasiirka diinta iyo awqaaftu waxa uu sheegay in go’aanmadan laga bilaabo doono Hargaysa, Goboladana loo gudbin doono.

Xigasho Waaheen.com